Mi Revalueshanary Fren
Rating: -
Linton Kwesi Johnson - Reggae Fi Dada Lyrics
Linton Kwesi Johnson Reggae Fi Dada lyrics is the 36th song on the album "Independant Intavenshan: The Island Anthology" by Linton Kwesi Johnson. The "Reggae Fi Dada" lyrics by Linton Kwesi Johnson are displayed below.
Be sure to check out other popular song lyrics from this artist that are listed in the sidebar and "Like Us" on Facebook if you enjoyed reading Linton Kwesi Johnson's lyrics on our site.
Reggae Fi Dada by Linton Kwesi Johnson
Galang dada
Galang gwwaan yaw sah
Yu nevvah ad noh life fi live
Jus di wan life fi give
Yu did yu time pan ert
Yu nevvah get yu jus dizert
Galang goh smile inna di sun
Galang goh satta inna di palace af peace
O di waatah
It soh deep
Di waatah
It soh daak
An it full a hawbah shaak
Di lan is like a rack
Slowly shattahrin to san
Sinkin in a sesa af calamity
Where fear breed shadows
Dat lurks in di daak
Where people fraid fi waak
Fraid fi tink fraid fi taak
Where di present is haunted by di pass
A deh soh mi bawn
Get fi know bout staam
Learn fi cling to di dawn
An wen mi hear mi daddy sick
Mi quickly pack an tek a trip
Mi nevvah have noh time
When mi reach
Fi si noh sunny beach
Wen mi reach
Jus people a live in shack
People livin back-to-back
Mongst cackroach an rat
Mongst dirt an dizeez
Subjek to terrorist attack
Political intrigue
Kanstant grief
An noh sign af relief
Lyrics provided by http://www.kovideo.net/
Source - http://www.kovideo.net/reggae-fi-dada-lyrics-linton-kwesi-johnson-489898.html
O di grass
Turn brown
Soh many trees
Cut doun
An di lan is ovahgrown
Fram country to toun
Is jus tissel an tawn
Inna di woun a di poor
Is a miracle ow dem endure
Di pain nite an day
Di stench af decay
Di clarin sights
Di guarded affluence
Di arrogant vices
Cole eyes af kantemp
Di mackin symbals af independence
A deh soh mi bawn
Get fi know bout staam
Learn fi cling to di dawn
An wen di news reach mi
Seh mi wan daddy ded
Mi ketch a plane quick
An wen mi reach mi sunny isle
It woz di same ole style
Di money well dry
Di bullits dem a fly
Plenty innocent a die
Many rivahs run dry
Ganja planes flyin' high
Di poor man im a try
Yu tink a lickle try im try
Holdin' awn bye an bye
Wen a dallah cyaan buy
A lickle dinnah fi a fly
Galang dada
Galang gwaan yaw sah
Yu nevvah ad noh life fi live
Jus di wan life fi give
Yu did yu time pan ert
Yu nevvah get yu jus dizert
Galang goh smile inna di sun
Galang goh satta inna di palace af peace
Mi know yu couldn't tek it dada
Di anguish an di pain
Di suffahrin di prablems di strain
Di strugglin in vain
Fi mek two ens meet
Soh dat dem pickney coulda get
A lickle someting fi eat
Fi put cloaz pan dem back
Fi put shoes pan dem feet
Wen a dallah cyaan buy
A lickle dinnah fi a fly
Mi know yu try dada
Yu fite a good fite
But di dice dem did loaded
An di card pack fix
Yet still yu reach fifty-six
Before yu lose yu leg wicket
' a noh yu bawn grung here'
Soh wi bury yu a stranger's burying groun
Near to mhum an cousin daris
Nat far fram di quarry
Doun a august town
You are viewing Reggae Fi Dada lyrics performed by Linton Kwesi Johnson. The song lyrics for Reggae Fi Dada in KOvideo are property of respective authors, artists and labels. If you want to use these lyrics, please contact the authors, artists or labs. If you like the sound of Reggae Fi Dada, please buy the track using the iTunes/Amazon links above to support Linton Kwesi Johnson.
Reggae Fi Dada Song Lyrics Meanings
Be the first to comment and win valuable reputation points!
Linton Kwesi Johnson Popular Lyrics
-
Inglan Is A Bitch
Rating: - -
Reggae Fi Dada
Rating: - -
Bass Culture
Rating: - -
Di Eagle An' Di Bear
Rating: -
Friend us on Google Plus
Songs From The Album
- Independant Intavenshan: The Island Anthology
- Release Date: Nov 1998
- Buy on iTunes
- Buy on Amazon
